गजल

पसिनाको सुगन्धले यो भूमि सिञ्चन गर्नु राम्रो हुन्छ,
सफा बनी करदाताको दर्ता राष्ट्रमा भर्नु राम्रो हुन्छ। [१]

लुकाएर आफ्नो आय कहिल्यै स्वाभिमान बच्न सक्दैन,
हिसाब–किताब पारदर्शी राखी सधैं अघि बढ्नु राम्रो हुन्छ। [२]

खरिद-बिक्रीमा बिलको संस्कार नै सभ्यताको ऐना हो,
मुलुककै हितका लागि मू.अ.करको मर्म बुझ्नु राम्रो हुन्छ। [३]

उद्योग र उत्पादनको जग बलियो पार्छ अन्तःशुल्कले,
कर्तव्य सम्झेर समयमै राज्यको कोष भर्नु राम्रो हुन्छ। [४]

नियम मिचे जरिवाना र सजायको चक्रव्युह चल्नेछ,
पछुतो र भार बोक्नु भन्दा त सचेत बन्नु राम्रो हुन्छ। [५]