गजल

बनेर दर्ता सफा करदाता, सानले यो देश सज्जिन्छ,

दिई पसिना र न्यायको खाता, मानले यो देश सज्जिन्छ। [१]

 

लुकाई आफ्नो कमाई कहिल्यै, समृद्धिको मार्ग भेटिन्न,

बुझाए आयकर समयमै, ज्ञानले यो देश सज्जिन्छ। [२]

 

खरिद-बिक्रीमा बिलको संस्कृति, सभ्यताको एउटा कडी हो,

सघाए मू.अ.करको नीतिमा, सानले यो देश सज्जिन्छ। [३]

 

स्वदेशी वस्तु उत्पादन गर्ने, अन्तःशुल्कको मर्म बुझौं,

गरेर पूरा सबै कर्तव्य, जानले यो देश सज्जिन्छ। [४]

 

नियम मिचे जरिवाना लाग्छ, दुःख र भार मात्र थपिन्छ,

नियमको पालना सधैं गर्ने, ध्यानले यो देश सज्जिन्छ। [५]

 

मर्यादित भै कर तिर्नेहरूको, सम्मान सधैं राष्ट्रले गर्छ,

विवेकशील ती सच्चा वीरको, ज्यानले यो देश सज्जिन्छ। [६]